KUALA LUMPUR, Jun 1: Tun Dr Mahathir Mohamad meri jaku selamat ngintu Pesta Kaamatan enggau Hari Gawai ngagai rayat di Sabah enggau Sarawak.
Menteri pechaya nya pengerami diintu semua pupu bansa di Sabah enggau Sarawak nyengkaum sida ti diau di Semenanjung.
“Minta ampun ketegal laun ngenataika jaku tu laban aku balat kiruh lalu mayuh agi pengawa ke patut digaga aku ke nyadi Menteri Besai,” ku iya bejaku nengah video ke diupload ba Twitter enggau Facebook iya empu.
Iya ngarapka diri diampun kelimpah ngarapka pengerami Hari Gawai enggau Pesta Kaamatan nya mujur lalu semua rayat ulih ngerami nya.
Pesta Kaamatan di Sabah sebengkah pengerami ke diatur pengelama sebulan kelebih agi ba raban bansa Kadazandusun, lalu atur pengerami ke penudi endar diintu kena Mei 30 enggau 31.
Pengerami Hari Gawai pula diintu bansa Dayak kena Jun 1 enggau 2 di Sarawak. — DayakDaily
