CUEPACS ngarapka perambu numbuhka Taska ba endur kereja nyadi nyata

Play. — DayakDaily.com file pic. // Photo: Pixabay

LABUAN, Julai 26: Kongres Kesatuan Pekerja-Pekerja Dalam Perkhidmatan Awam (CUEPACS) ngarapka perambu numbuhka palan nyeridi nembiak mit (Taska) di premis ejensi perintah deka nyadi nyata taun baru.

Presiden nya, Datuk Azih Muda madahka Cuepacs pengawa numbuhka Taska nya beguna amat laban 60 peratus pengereja pengawa perintah raban orang indu.

“Tebal agi orang indu deka semak enggau anak mit sida lalu nyema Taska bisi disediaka semak enggau palan gawa, sida ulih fokus agi ngaga kereja sida ke lalu nambahka produktiviti,” ku iya ba aum meria pengudah ngulu penerang ‘prapersaraan’ ungkup pengereja pengawa perintah Labuan ditu kemari.

Ku iya, polisi perintah dekaka semua ejensi perintah numbuhka Taska berengkah 1 Januari 2019 ke deka meri pemaik ngagai pengereja pengawa perintah orang indu di serata menua.

“Kami ngarapka opis bekuasa kandang menua nyengkaum Opis Bomba enggau Penyelamat ulih mantu numbuhka palan nya nengah chara meri pengelunggar bekaul undang-undang enggau sekeda polisi, ti enda melakangka sukut pengelikub,” ku iya. — DayakDaily