KUALA LUMPUR, Julai 26: Enam puluh sembilan peratus ari rayat Malaysia diriput enda ulih ngetu ngena telefon bimbit binching taja pan dalam sehari.
Nitihka riput pemadu baru Limelight Networks Inc sentang gaya pengidup digital, rayat Malaysia pemadu gian ngena gajet digital sida, ditangkanka India.
Sentang e-buku, Malaysia ngerikud penyampau ke pemadu tinggi entara 10 buah menua ke ditinjau, ke alai 74.7 peratus rindu agi ke bup digital lalu 25.4 peratus milih bup fizikal.
Responden di 10 menua baka Malaysia, Perancis, Jerman, India, Itali, Jepun, Singapura, Korea Selatan, United Kingdom dan Amerika Syarikat ditanya bakani sida berinteraksi enggau media digital sereta empas teknologi dalam pengidup sida.
Limelight Networks nengah sebengkah penerang madahka laptop enggau komputer mija nyadi teknologi kedua baeguna ngagai responden Malaysia ke alai 43.4 peratus ari sida enda ulih idup enti nadai nya. — DayakDaily
