Covid-19: Nadai kes positif baru, 4 kluster ditutup

The Sarawak Legislative Assembly (DUN) Complex in Kuching.

KUCHING, 25 Ogos: Nadai kes positif baru Covid-19 dirikudka di Sarawak seharitu ngujungka penyampau semua kes mengkang 696.

Komiti Pengintu Penusah Ngenyit Negeri Sarawak (JPBNS) nengah surat penerang berita mega madah 4 kluster udah ditutup.

“Seharitu, 4 kluster ditutup pengudah nadai kes baru diriput dalam timpuh 28 hari ari kes ke penudi,” ku JPBNS.

Empat kluster ke ditutup iya nya Kluster Syarikat Kejuruteraan Kuching, Kluster Sentosa, Kluster PUI Melbourne enggau Kluster Pasar Satok.

Ngenang kaul ke sama, JPBNS mega madah 2 kluster mengkang aktif di Sarawak iya nya Kluster Mambong enggau Kluster Alam Bintulu alai kededua kluster bisi 14 kes.


“Seharitu mega, nadai kes gerai sereta dikemendar pansut ari spital.

“Nya ngujungka penyampau semua ke udah gerai sereta dikemendar pansut ari spital mengkang 662 iku tauka 95.11 peratus ari penyampau semua kes,” ku JPBNS.

Surat penerang nya mega madah naka ke diatu, 15 iku mengkang diperubat ba wad isolasyen alai penyampau kes mati mengkang 19 iku.

Tambah JPBNS, seharitu bisi 19 kes baru PUI diriput lalu 2 kes benung nganti pemutus peresa makmal. — DayakDaily