Covid-19: Kluster Alam Bintulu ngerikud 3 kes positif baru

Covid-19 (file pic)

Dikarang Chris Bishop

KUCHING, 23 Ogos: Tiga kes positif baru Covid-19 dirikudka di Pelilih Bintulu seharitu lalu ngujungka penyampau semua kes di Sarawak manggai 691.

Komiti Pengintu Penusah Ngenyit Negeri Sarawak (JPBNS) nengah surat penerang berita madah, ketetiga kes ditemu ari kontak Kluster Alam di Bintulu.

“Kes ke ditemu ari Kluster Alam mungkur 2 iku peranak menua enggau siku peranak Filipina.

“Enggau kes baru nya, penyampau semua kes kluster tu manggai 7 kes,” ku JPBNS.


Ngenang kaul ke sama, JPBNS mega madah 6 kluster mengkang aktif di Sarawak ti mungkur 60 kes.

Kluster aktif iya nya Kluster Syarikat Kejuruteraan(8 kes), Kluster Mambong (7 kes), Kluster Sentosa (31 kes), Kluster PUI Melbourne (3 kes), Kluster Pasar Satok (4 kes) enggau Kluster Alam (7 kes).

Penerang nya mega madah seharitu nadai kes baru udah gerai lalu dikemendar pansut ari spital.

“Enggau nya, penyampau kes positif Covid-19 ti udah gerai sereta dikemendar pansut ari spital mengkang 662 iku tauka 95.80 peratus ari penyampau semua kes.

“Bisi 10 iku mengkang diperubat ba wad isolasyen spital alai penyampau kes mati mengkang 19 iku.” — DayakDaily