KUCHING, Sept 3: Siku pengajar tadika, Chris Hazel Christus, 22, mujur ngalahka 11 pesereta bukai ti ngujungka iya menang sereta bulih gelar Ratu Cantik Entarabansa Tagang 2018.
Nengah pemujur nya iya mai pulai perais mata duit RM1,300, trofi enggau setipikit.
Penuduk lumur dua pulai ngagai Jelianicca Lorettanisha Rumih ke mega nerima undi ke pemadu tinggi sereta bulih gelar Ratu Cantik Popular Tagang, ke nerima mata duit RM800 enggau RM500 ungkup tetiap kategori, trofi enggau setipikit.
Natasha Suna ba lumur dua ke alai iya nerima perais RM500, trofi enggau setipik.
Pekit nya diatur di Kpg Semandang, Jalai Puncak Borneo malam ensana beserimbai enggau Festival Entarabansa Semadang ke-4 ti dipenyadika Menteri Muda Perengka Pengangkut Sarawak Datuk Dr Jerip Susil. — DayakDaily
