MIRI, Sept 3: Penanggul bekal gis ke ditapi penguna di bandar raya Miri ensana bepun ari pengawa nutup sementara pelantar Baram di luar pantai Sarawak.
Ba sebengkah penerang ditu, Komunikasi Strategik Kumpulan Petronas madahka nya ditutup sementara ketegal bisi penanggul teknikal lalu nya bisi nekul bekal gis ke bandar raya Miri berengkah ari pukul 3 lemai ensana.
“Bekal gis mujur diadu manah baru pukul 11.01 pagi kemari ke alai gis nya ulih besambung baru pukul 1.35 tengah hari,” pia ku penerang nya.
Penanggul nya udah ngasuh penguna ringat kelebih agi orang ke ngempu restoran ti bepanggai ba bekal gis nya dikena nyumai, ti ngujungka sida maya nya nyumai ngena gis ke dalam tong kemari.
Ketegal nya mega, urung 20,000 iku penguna betapi enggau penanggul maya nya. — DayakDaily
