Serbis perengka pengangkut langit di Sabah, Sarawak diseliahka ari SST

A Malaysia Airlines Boeing airplane takes to the skies. File Pic/Photo: Pixabay

KOTA KINABALU, Sept 3: Serbis perengka pengangkut langit di Sabah enggau Sarawak diseliahka ari Chukai Jual enggau Servis (SST) laban nya perengka pengangkut ke kritikal sereta beguna amat ngagai peranak di kedua-dua negeri nya.

Menteri Wang, Lim Guan Eng madahka nya pengelebih ke diberi ngagai kedua-dua negeri di pulau Borneo nya laban berundingka faktor struktur rampa menua di Sabah enggau Sarawak ke balat besai.

Ku iya, chukai servis perengka pengangkut langit ti diseliahka di Sabah enggau Sarawak engka nengenyitka laban ke dichukai ari baruh sistem Chukai Barang enggau Serbis (GST) perintah ke sebedau tu.

Lim bejaku munyi nya ba aum media pengudah ngulu sesi meri penerang enggau forum neritka Chukai Servis enggau Jual (SST) ke diatur Opis Kastam Diraja Malaysia (JKDM) ditu sehari tu tadi.

Sama bisi ngulu pengawa nya ke digulu 1,000 iku ke bisi pemerat baka pekara nya, iya nya Ketuai Direktor JKDM, Datuk Seri T Subromaniam. — DayakDaily