Chong: Semua kes bekaul kad pengelala deka diputar dalam timpuh setaun

Chong Chieng Jen

MIRI, Mei 21: Chairman Pakatan Harapan (PH) Negeri Chong Chieng Jen, meri jamin ngagai rayat Sarawak ke alai semua kes bekaul enggau kad pengelala deka diputar dalam timpuh setaun.

Iya mega madahka diri komited bekerejasama enggau perintah besai numbuhka sebengkah komiti ngambika ulih meda dalam agi pekara nya.

“Beri kami sebulan numbuhka komiti nya ti bejalaika tanggungpengawa beratika pekara nya lalu kami deka netapka semua kes bekaul enggau kad pengelala nya diputar dalam timpuh setaun,” ku iya.

Iya madah munyi nya lebuh bejaku ba pengerami Makai Lemai Mantar Gawai ke diatur dinner Dayak Think Tank Group (DTTG) ba sebuah hotel ditu malam kemari.

Chong madah, oekara nya mega bisi disengkaum dalam manifesto pengawa bepilih ke-14 PH.


Berebak enggau nya, iya madahka diri enda ngengetu nerima kangau telefon bekaul enggau kes kad pengelala.

Iya ngarapka bala nya nganti dulu laban kami benung dalam proses numbuhka kabinet lalu aku deka ngenukuka kami deka bebendar ngamatka semaya tu, ku iya. — DayakDaily