Nembiak ulih besemekih enti landik nengkebang

Lecture. — DayakDaily.com file pic. // Photo: Pixabay

KUCHING, Mac 23: Nerenak ulah ngembuan inovasi ba bala nembiak politeknik ulih nyendiaka sida ngagai dunya ngereja pengawa ke amat enti sida udah nembuka pelajar, pia ku Chairman Majlis Penasihat Industri Politeknik Kuching Sarawak (PKS), Datuk Abdul Karim Abdullah.

Ku iya, nyendiaka nembiak nuju pengelandik inovasi mega nelebaka nembiak ngembuan ulah ti relevan sereta ulih besemekih.

“Setipak enggau juluk opis menteri pelajar ti deka negapka Pelajar Teknikal enghau Latih Vokasional (TVET), aku pechaya nengah program projek enggau inovasi ke diatur nya ulih ngangkatka agi pengulih nembiak nengkebang sesebengkah utai nengah saup penemu ke chukup manah.

“Nengah chara ngasilka sesebengkah utai ke kreatif sereta inovasi aku pechaya nya ulih matak pemain industri deka mantaika produk nembiak nya ngambika dikomersil, ke lalu meri pemaik ngagai nembiak nya enggau PKS,” ku iya.

Iya ke mega Ketuai Direktor Eksekutif Kumpulan Serba Dinamik Holding Berhad madah munyi nya ba Pengerami Nutup enggau Nyuaka Perais Festival Pemandang Projek Inovasi di Politeknik Kuching, empai lama udah.


“Tu mandangka PKS setanding enggau institusi TVET bukai ti ngujungka OKS teulihka status lima bintang, nya ti dikedekaka kami,” ku iya.

Bisi 12 raban nembiak ari Kejuruteraan Awam, Kejuruteraan Elekterik, Kejuruteraan Mekanikal, Kejuruteraan Petokimia enggau Matematik, Sains enggau Komputer nyeretai festival nya. — DayakDaily

Share this article!