Bomba Sarawak nagit 100 peratus raban bomba nurun ngundi ba PRU14 tu

Nor Hisham Mohammad

KUCHING, Mei 5: Bomba Sarawak nagit seratus-peratus raban opis nya bejalaika tanggungpengawa ngundi taun tu.

Pengarah bomba, Nor Hisham Mohamad madah, tagit nya realistik laban Opis Bomba enggau Penyelamat diatu siti ari semilan ejensi perintah ke bisi enggau ngundi pos.

“Kami meri terima kasih ngagai Komiti Pengawa Bepilih Besai laban udah ngemendarka peminta nya,” ku iya lebuh bejaku bejadi Pengeramu Hari Bomba Antarabansa 2018 di Balai Bomba enggau Penyelamat Padungan kemari.

Bisi 960 iku pemesai enggau raban bomba di Sarawak tau enggau ngemujurka proses demokrasi nya.

“Kami udah ngasuh semua pemesai kanan matau tetiap iku raban bombs ke udah berejista sereta tau ngundi.


“Kekadang ti udah tau berejista nya tang enda yang ngundi, nya alai kami dekaka sida ke udah berejista nya nurun ngundi.

Ngenang sentang Hari Bomba Antarabansa ti disambut ninting Mei 4, ku iya nya dikena ngakun sereta meri basa ngagai raban bomba di serata dunya ngagai pengawa ti udah digaga sida.

Ba pengerami nya, Nor Hisham udah ngemujurka pengawa ngeeasukka baju baju bomba ba replika mayau di Padungan. — DayakDaily