KUCHING, Nov 13: Mandal Chairman Barisan Nasional (BN) Sarawak, Datuk Amar Douglas Uggah Embas madahka parti nya udah sedia napi Pengawa Bepilih Besai ke-14( PRU14) ke deka diatur sebarang maya.
“Kitai udah sedia lalu aku pechaya BN Sarawak ulih menang bepelasarka pemanah pengawa ti udah digaga bala pengari rayat,” ku iya lebuh dikerandau pengudah bejadika nama enggau logo baru Parti Demokratik Progresif (PDP) di sebuah hotel ditu demalam.
Ku Uggah, diatu mayuh program enggau projek ke diberi Kuala Lumpur lalu ngarapka nya ulih ngerak ati peranak menua pesisir ti udah lama ditegika parti nya.
Iya mega madah, singkang PDP ke muka pampang di Semenanjung betuju deka meri servis sereta ngemantupka pengingin rayat Sarawak ke bisi di negeri nya kelebih agi di Johor, Negeri Sembilan enggau Lembah Klang.
“Taja pia, tu ukai reti kitai ngemendarka parti ari Semenanjung ngerembaika sayapnya kitu,” ku iya. — DayakDaily
