Gempuru likun Tanah NCR dipunka enggau pengawa miring

A section of the Nov 13 NCR Rally crowd at the old Courthouse this morning.

KUCHING, Nov 13: Gempuru likun tanah NCR ke diatur Sarakup Iban Dayak Sarawak (SADIA) dipunka enggau pengawa miring urung pukul 8 pagi tadi.

Pengawa miring nya udah dipejalai betuaika Lemambang Jayan Lang. Entara leka sampi ke bisi disebut iya lebuh ke miring ngena manuk burak, iya nya minta sukung petara ngeringka sida ngenanka tanah adat enggau menua asal bansa.

 

‘Miring’ ceremony being carried out at the old Courthouse this morning.
A section of the crowd attending the Nov 13 NCR Rally at the Old Courthouse.

 


Nangkanka nya ex-Sapit Presiden Majlis Adat Istiadat, Nicholas Bawin lebuh ke meri jaku pengelalu pandak madahka gempuru nya ti disereta bemacham pupu bansa nyadika platfom endur begulai sereta bekelala enggau pangan seraya mendingka jaku icha pasal batang tuju gempuru ke diatur sehari tu ari bala pengelicha bukai.

Iya mega madah gempuru ke diatur nya deka nyadi sejarah lalu pechaya agi mayuh bala deka datai ngulu gempuru nya.

Gempuru nya ti matak penatai mensia mayuh kelebih agi bansa Iban meda sida mai bemacham kain rentang ke ditulis ‘Besampika Tanah NCR Diberi Pulai,’ ‘Tanàh Pengidup Kami,’ ‘Idup Dayak’ enggau bemacham agi.

One of the banners carried by participants at the Nov 13 NCR Rally at the old Courthouse this morning.
A rally participant holds a placard seeking for justice for native rights activist Bill Kayong.
Participants wearing ‘pua kumbu’ at the Nov 13 NCR Rally at the old Courthouse this morning.
A section of the crowd at the old Courthouse attending the Nov 13 NCR Rally this morning.

Tebal agi bala pesereta dipeda datai ngena ngepan bemotifka pua kumbu ke mega asil pengelandik jari asal bansa Iban.

Gempuru likun ti dikemendarka polis nya dipelabaka diatur nyentuk pukul 2 ngalihari tu lagi. — DayakDaily