PUTRAJAYA, Mac 10: Sapit Menteri Besai Datuk Seri Dr Ahmad Zahid Hamidi madahka pemujur menang dua pertiga Barisan Nasional (BN) ba Pengawa Bepilih Besai ke-14 (PRU14) beguna amat dikena ngetanka pengereja pengawa perintah sereta meri servis ke pemadu manah ngagai rayat.
Dikena nyapai juluk nya, perintah BN deka bebendar lalu nengah chara ke pintar ngulihka majoriti dua pertiga nya napi sebarang pemar ari penyakal, ku iya.
“Kitai meseti gawa bebendar sereta negapka perintah, kering agi ba Dewan Rakyat ngambika perintah ulih semampai komited nyaga pengelantang pendiau enggau penekanpengereja pengawa perintah sereta nyendiaka servis ti diguna rayat,” ku iya lebuh bejaku ba gempuru ninting bulan Opis Menteri berucap Dalam Negeri empai lama udah.
Ahmad Zahid ke mega Menteri Dalam Negeri madahka pengereja pengawa perintah nyadi penyambung entara rayat enggau perintah ti ngemujurka polisi perintah.
Datuk Seri Najib Tun Razak sayau amat ke pengereja pengawa perintah, iya nyadi orang lumur satu deka ngetanka, ku iya.
“Aku ke nyadi pemantu di belakang iya.”
Zahid mega madah, komitmen perintah ba pekara nya ulih dipeda lebuh Malaysia nyadi semina sebuah aja menua bejakaika Strategi Lautan Biru Kebangsan nengah 114 inisiatif lalu enti nadai pengereja pengereja pengawa perintah, mar inisiatif nya dikemujurka
Ba pengerami nya, Ahmad Zahid nyuaka Anugerah Perkhidmatan Cemerlang ngagai 356 raban opis menterian nya, opis enggau ejensi dibaruh nya. — DayakDaily
