SIBU, Julai 24: Bisi 10 iku pemekit deka besemekih ba renggat final Pekit Miss Pesta Kebudayaan Dayak Borneo (BDCF) ba hari ke penudi panggau Dayak kena malam Julai 25 tu.
Kemari bisi 26 iku pesereta ngerebut endur ngagai renggat final nya.
Bala pesereta ke dipilih masuk renggat final iya nya Racquel Sherly Ehca, Julia Dius, Wati Assan, Frevirra Pearl, Norani Roseline, Syafika Empul, Gloria Malong, Margerat Julin, Eldie Dayong enggau Michelle Linja.
Pemenang pekit Miss BDCF deka mai pulai perais mata duit RM2,000, jumpang, selempang, trofi, hamper enggau ke bukai.
Pemenang lumur dua deka nerima perais mata duit RM1,500, selempang, trofi enggau hamper.
Ba lumur tiga nerima perais mata duit RM1,000, selempang, trofi enggau hamper lalu pemenang lumue 4 enggau 5 deka nerima perais mata duit RM350, RM300 enggau selempang.
Lima pemekit ke bukai deka nerima perais sagu ati mata duit RM200. — DayakDaily
