KUALA LUMPUR, Ogos 11: Parti Pribumi Bersatu Malaysia (Bersatu) deka dilanchar di Sarawak berindik ari mayuh peminta ke diterima ari rayat negeri nya ke deka nyadi kaban parti nya, ku Menteri Besai Tun Dr Mahathir Mohamad.
“Mayuh orang di Sarawak deka nyadi kaban Bersatu lalu diatu udah bisi nyauka 30,000 kaban lalu kitai deka ngelancharka parti nya di Sarawak dikena nentuka ketuai parti di Sarawak.
“Kami nerima semua peminta deka nyadi kaban parti Bersatu,” ku Dr Mahathir ke mega Chairman Bersatu pengudah nguluka aum ketuai tetinggi parti nya malam kemari.
Berebak enggau nya, menteri besai madahka aum ketuai tetinggi Bersatu udah nusun haribulan ngatur aum pampang enggau bagian sereta gempuri aum besai.
Taja pia iya nadai madahka haribulan aum nya. — DayakDaily
