BTN patut dipadam jampat laban nadai meri pemaik ngagai rayat Malaysia

Lo Khere Chiang

KUCHING, Ogos 11: Biro Tatanegara (BTN) mesti dipadam jampat laban ejensi nya ‘anti’ pupu bansa enggau jalai pengarap, ku Kaban Kunsil Negeri Batu Kitang, Lo Khere Chiang.

Ku iya, BTN enda engkeman enggau gaya idup ke likun enggau harmoni ti diasaika rayat pupu bansa maya ke diatu. BTN enda patut dikemaru tang patut dikinsil.

Iya ba sebengkah penerang madah, enti BTN agi dipajak nya semina deka masau duit pemayar chukai kelebih agi ba maya ke diatu perintah  Pakatan Harapan (PH) madahka Malaysia benung ditating utang.

” Nya alai nama kebuah menyati belanja ba utai ti nadai guna ngaga rayat Malaysia,” ku Lo. — DayakDaily