PM: Diatu ukai maya ke patut nikika gaji orang kereja perintah

Tun Dr Mahathir Mohamad

KUALA LUMPUR, Ogos 11: Diatu ukai maya ke patut masa meri gaji ke tinggi agi ngagai pengereja pengawa perintah, pia ku Menteri Besai Tun Dr Mahathir Mohamad.

Bejaku ba aum media pengudah nyadi chairman aum Kaunsil Ketuai Tetinggi Parti Pribumi Bersatu Malaysia (Bersatu) di Yayasan Selangor, Dr Mahathir madahka perintah Pakatan Harapan (PH) bisi pelasar penemu bekaul enggau isu nikika gaji, tang empai maya ngaduka nya.

Ku iya, mayar utang menua nyadi pekara ti dikemeratka perintah PH, sebedau mikirka isu nikika gaji.

Diatu bisi 1.6 juta pengereja pengawa perintah lalu sebarang peniki gaji meseti setipak enggau penambah produktiviti. — DayakDaily