Pemutus parti komponen di Sarawak pansut ari BN pekara ke manah ngagai PH — Mat Sabu

Mohamad Sabu

KUALA LUMPUR, Jun 13: Pemutus empat parti komponen Barisan Nasional di Sarawak pansut ari gempung nya kemari dipeda nyadi siti pekara ke manah ngagai Pakatan Harapan (PH), pia ku Presiden Parti Amanah Negara (Amanah) Mohamad Sabu.

Ku iya, taja pan parti nya enda begempung enggau PH tang pemutus pansut ari BN nya dipeda laban sida deka enggau perintah besai ti diiring PH.

“Enti sida enda enggau PH tang nyukung kami, nyangkai kami bulih majoriti dua petiga di Dewan Rakyat lalu kami ulih ngaga ubah ba undang-undang ti dibantah kami ngelama tu baka garis baru entara sitak pengawa bepilih enggau ke bukai.


“Kami meda pemansang tu sereta kelalu tumu aku meri penemu panjai tang aku andal pemutus sida nyangka deka enggau perintah besai,” ku iya ba randau kemari.

Ku iya pemansang ke pegambis baru tu dijangka dirandau lenak agi ba aum Kaunsil Presiden PH ke deka datai. — DayakDaily