Follow and subscribe to DayakDaily on Telegram for faster news updates.
KUALA LUMPUR, April 20: Barisan Nasional (BN) ditetapka nadai kebuah enda tau ngena lambang dachin.
Ku Sekretari Besai Barisan Nasional (BN) udah ngulihka pemendar ari Opis Ngerejista Gerempung (RoS).
“Ba aku nya enda patut nyadi laban nituhka konstitusyen BN ti udah dikemendar dalam Aum Dewan Tetinggi BN kena 20 Nov 2010,” ku Datuk Seri Tengku Adnan Tengku Mansor nengah sebengkah penerang.
Sebedau tu, isu penyerekang penemu pasal chura enggau lambang BN udah dikerembai di media sosial nyentu raban renggat baruh parti nya irau ati
Ku iya, Fasal 16 Konstitusyen BN, “Lambang, lencana enggau menira BN nya dachin ke bechura ‘nilakandi’. Taja pia, parti kaban ke bukai tau nguna lambang, lencana enggau menira sida empu enti bisi pematut.”
“BN udah bulih pemendar ari RoS pengudah ubah konstitusyen digaga dalam taun 2010,” ku iya.
Berebak enggau nya, Tengku Adnan minta bala penyukung BN komited, fokus sereta chakah agi gawa dikena nentuka sida ulih menang besai ba pengawa bepilih (PRU) ke-14. — DayakDaily
