Undi tetiap iku pengundi nya rasia – Takun

Ballot box. — DayakDaily.com file pic. // Photo: Pixabay

KUCHING, April 20: Direktor Komiti Pengawa Bepilih Negeri (SPR), Datu Takun Sunggah madahka tetiap undi nya rasia lalu nadai kebuah bala pengundi irauka undi sida.

Iya minta pengundi di Sarawak sampal nurun muai undi kena 9 haribulan Mei ti deka datai tu.

“Bai kad pengelala kitai lalu nurun ngundi,” ku iya sehari tu tadi.

Ku Takun baru, ba PRU ke sekali tu SPR nagit 75 peratus penyampau penghndi nurun ngundi.

Taun tu hari muai undi udah ditetapka kena Mei 9 iya Hari Tiga ke alai sehari nya maya hari kereja rayat Malaysia enggau di menua luar.


Ku Takun, sekalika megai perintah ke diatu enggau penyakal udah bebendar ngansak mensia mayuh nurun muai undi maya nya.

Lebuh dikemata ba pengawa ke sebedau tu, sekeda parti politik bisi nguna perengka pengangkut mai bala pengundi nurun ngundi dikena ngemayuhka penyampau orang ke nurun ngundi.

Ku iya baru, taja pan SPR bisi mula bansal endur meresa status pengundi kena 9 Mei nya, tang sida dipinta meresa status diri dulu sebedau nurun muai undi.

Enti sida udah meresa dulu, sida tau lalu terus ngagai lurung endur muai undi, ku iya. — DayakDaily