DEBAK, Feb 6: Bantu khas tumu sekula nyadika kelai pegelurus ati enggau penyiru perintah ngagai sektor pelajar di menua tu, pia ku Kaban Kunsil Negeri (ADUN) Saribas Mohamad Razi Sitam.
“Pemeri tu patut diterima enggau ati ke lurus ngambika rejeki ti diasai nyadi berekat,” ku iya.
Bantu ke diberi enggau tuju ngurangka tating apai indai dikena meli barang ke diguna dikena anak sida besekula.
“Aku ngarapka bantu ke baka tu dikena enggau manah ke pemaik alu apai indai patur nentuka kereban sekula anak sida chukup magang.
“Bala anak nyadi aset ke pemadu berega lalu kitai sama patur nemi, puku ke diperanak ukai nyasi tating tauka liabiliti,” ku iya.
Tambah Razi, bisi mayuh bantu bukai ke diberi perintah lalu semua nya enda ulih diasaika nyema menua enda likun sereta lantang baka ke diatu.
Bisi 996 iku nembiak sekula Sekondari (SMK) Saribas udah nerima Bantu Khas Tumu Besekula RM100 siku. — DayakDaily
