KUCHING, Okt 17: Presiden Parti Bansa Dayak Sarawak Baru (PBDSB), Cobbold John minta raban bansa Dayak bechuntoka bansa Melayu ti ngulihka penyerakup dalam komuniti ba pengawa bepolitik.
“Nyadi parti bepelasarka Dayak, kitai enggai ngarapka semua utai bekaul politik. Kami nemu pemesai reti negapka tanggam dalam komuniti diri. Kami mega ngarapka sentimen ke sama bisi ba raban bansa Dayak.
“Kebuah Dayak agi dibagi ketegal penemu dalam politik ke bebida. Pengawa ti dipejalaika PBDSB ukai semina bepelasarka politik, tang ngiri penemu dikena nyerakup bansa Dayak enggau semua etnik iya,” ku iya.
Cobbold bejaku munyi tu lebuh ngenang penerang ti dipansutka Kaban Kaunsil Besai Parti Pesaka Bumiputera Bersatu (PBB) Datuk Abdul Karim Rahman Hamzah ti muji parti komponen Barisan Nasional (BN), Pertubuhan Kebangsaan Melayu Bersatu (Umno) begempung enggau Parti Islam Se -Malaysia (PAS) ti nyadika penyerakup gempung orang Melayu.
“Orang Melayu bulih semua utai laban sida amat beserakup ba semua pengawa ti dikereja,” ku iya.
Ku Cobbold baru, puji ke diberi iya nyadi kelai basa laban penyerakup Melayu mengkang kering ba raban bansa nya.
“Taja pan DAP enggau PKR sereta SUPP enda setuju enggau gempung nya, PBDSB meda nya nengah perspektif ari sukut bukai, ukai meda ari sukut politik tang sukut nyadi rayat Malaysia,” ku iya.
Iya mega muji atur PBB ti nentuka pengidup rayat Sarawak ditan sereta enda tekeruga laban ekstremis Malaya.
“Keingatka belama ke alai tetiap iku peranak Sarawak ti diadaka dalam pupu raban bansa lalu tanggam penyerakup Sarawak mandangka penyerakup tulin tetiap raban bansa di Sarawak.
“Nya alai aku ngarapka dudi ila raban bansa Dayak ulih beserakup baka bansa Melayu. Ambi mih PBB nyadika referen kelai sukung penuh sida ngagai komuniti Melayu lalu ambi mih nya nyadika chunto ngagai semua Dayak ngambika bediri teguh sereta nyingkang nyadi siti Komuniti Dayak Bansa ke Beserakup di Sarawak,” ku iya. — DayakDaily
