MARUDI, Dis 15: Penyandang kerusi parlimen Marudi, Anyi Ngau chalun ke pemadu engkeman ngenanka kerusi Baram ba Pengawa Bepilih Besai Ke-14 tu ila.
Ketuai Pemadah Nembiak Parti Demokratik Progresif (PDP) Jaya Ramba madahka kaul Anyi enggau serap rayat di Baram majak manah kelimpah mujur belajaika pengawa ke dipangku iya nyadi pengari rayat.
Ku iya, rayat di Baram kelebih agi etnik Kenyah patut nyukung Anyi ngambika Perintah Barisan Nasional (BN) ulih neruska agenda pemansang ba sitak Baram.
“BN ngemeranka prinsip mayuh bengkah bansa nengah konsep ngiga chalun lalu PDP udah dikearap ngiga chalun ke pemdu engkeman ngarika sitak Baram,” ku iya.
Jaya madahka bisi peminta enggau ubah dudi ila tang diatu chalun BN di Baram agi diungkup ngagai etnik Kenyah ngarika rayat Baram. — DayakDaily
