Anak Sarawak diangkat nyadi Miss World Malaysia

Larissa Ping, 19, (duduk tengah) bersama tetamu kehormat dan peserta lain selepas dinobatkan sebagai pemenang pertandingan ratu cantik Miss World Malaysia 2018.

KUCHING, Sept 9: Peranak Sarawak, Larissa Ping diangkat nyadi Miss World Malaysia 2018 sengudah ngalahka 11 pesereta bukai ba final pekit nya ditu malam kemari.

Beumur 19 taun, Larissa nerima jumpang ari juri, Nabila Huda enggau Carmen Soo mai pulai perais mata duit RM30,000, trofi enggau perais ke bukai.

Kelimpah ari nya, Larissa mega menang gelar ‘Top Talent’ enggau Ratu Fotogenik ba pekit ke diatur ba Palan Konvensyen Borneo Kuching (BCCK), ditu.

Iya ngarika Malaysia ba pekit edisi ke-68 Miss World 2018 di Sanya, China kena Dis 8 tu.

Ba lumur kedua kedua enggau ketiga diempu Naomi Sim, 26, ari Sarawak enggau Shennon Jade, 24, ari Kuala Lumpur.

Seduai samam mai pulai perais mata duit RM5,000 enggau RM3,000 sereta trofi enggau seberekas bungai.

Larissa Ping yang dinobatkan sebagai pemenang pertandingan ratu cantik Miss World Malaysia 2018.

Menteri Dagang Temuai, Seni, Main Asal, Nembiak Lumba enggau Main Sarawak, Datuk Abdul Karim Rahman Hamzah lebuh ke bejaku ba pengerami nya madah, ketika, pemenang Miss World Malaysia 2018 deka nyadi Duta Dagang Temuai ungkup negeri Sarawak taun baru.

“Aku pechaya nengah pekit ke beprestij nya, nyadi pemenang kita ulih ngelakuka negeri Sarawak di mata dunya sereta ngangkatka industri ekopelancongan di negeri tu,” ku iya.

“Pekit tu pekit dunya, bejuta orang di dunya deka meda nya, aku temegah ati laban Sarawak dipilih nyadi siti ari palan endur ngatur pekit ke beprestij nya” ku iya.

Pekit ti berambaika jaku ‘Beauty with a Purpose’ nya mega bisi muka gelar bukai ngambika diperebut iya nya ‘People Choice dan ‘Top Model’ dimenang pesereta Sarawak, Francisca Luhong James, ‘Miss Personality’ (Zane Wong, Kuala Lumpur) enggau pesereta ari Kuala Lumpur, Shannon Jade ke ngemenang gelar ‘Miss Elegance’.

Pengerami nya bela digulu Kepala Menteri Sarawak, Datuk Patinggi Abang Johari Tun Openg enggau bini iya, Datin Patinggi Datuk Juma’ani Tun Tuanku Bujang enggau bini sereta bini TYT, Toh Puan Datuk Patinggi Raghad Kurdi Taib. — DayakDaily