KUCHING, Feb 7: Ujan ke enda ngengetu udah ngujungka penusah ampuh bah majak balat nyadi di serata negeri Sarawak.
Komiti Mutarka Penusah Ngenyit Negeri, madahka naka pukul 6 lemai kemari, 20 palan ngenduh udah dibuka ke mungkur 908 ruang bilik enggau 3,231 iku.
“Ari penyampau nya, lapan pqlqn dibuka di Bagi Menua Samarahan, endur ngengkah 506 ruang bilik ke mungkur 1,818 ari 18 genturung pendiau ke ampuh.
“Semilan palan ngenduh dibuka di Bagi Menua Serian endur ngengkah 329 ruang bilik ti mungkur 1,171 iku ari 10 genturung pendiau.
Ku Major Ismail Mahedin, 242 iku ari 73 buah ruang bilik ari lima buah genturung pendiau di Bagi Menua Mukah diatu dipindah ngagai tiga palan ngenduh.
Bisi buah 23 sekula ampuh laban ai lalu enam buah agi dibuka nyadi palan ngenduh sementara.
Enam ari sekula nya di Dalat, Mukah (6), Serian (4), Samarahan(2), Padawan(2), Selangau(1), Sibu(1) enggau Bintulu (1).
Ujan nya mega nyadi di utara Sarawak ngujungka kandang menua pesisir luar baka di Limbang enggau Lawas betapi pemar. — DayakDaily
