Aku enda ngansak nyema enda dichalun baru — Wan Junaidi

Datuk Seri Wan Junaidi Tuanku Jaafar

KUCHING, Dis 25: Menteri Pengeraja Asal enggau Rampa Menua ke mega Kaban Parlimen Santubong, madahka iya enda ngansak ketuai tetinggi Barisan Nasional (BN) enchalunka iya baru bediri minta pilih ba Pengawa Bepilihan Besai Ke-14 (PRU14) ila.

Bejaku ba Pengerami Nyuaka Geran Projek Mit Menua Pesisir (MRP) ke disempulang Pengerami Makai Lemai Parlimen Santubong di Kuching, Wan Junaidi madahka pemutus nya dilempaika iya ba ketuai BN.

Nitihka rekod, Wan Junaidi nyata ngembuan sukung ke kering ba renggat nembiak redak di Parlimen Santubong.

Naka ke diatu, Wan Junaidi ngembuan rekod ke manah ngaga pemansang nitihka timpuh ditetap dalam sitak Parlimen iya, ti ngujungka iya dikesayau ba renggat nembiak redak.

Ba PRU13, Wan Junaidi mujur ngenanka kerusi Parlimen Santubong nengah majoriti 20,936 undi. — DayakDaily