MIRI, Dis 25: Bisi 17 kandang menua mengkang ampuh bah di menua pesisis Miri, ku Sekretariat Mutar Penusah Ngenyit Negeri pagi tadi tu tadi.
Tukang Pengerembai Berita, Ismail Mahedin madahka ari penyampau nya, 12 di Marudi, empat di Beluru lalu siti di Subis, ti ngujungka sida enda ulih ngintu Hari Krismas sehari tu.
Berebak enggau nya, Opis Pelajar Negeri madahka bisi 31 buah sekula mega diripot ampuh bah.
“Bisi 11 sekula di Pelilih Limbang, tujuh di Sebauh lalu sama lima di Baram enggau Tatau.
“Sama sebuah sekula di Belaga, Mukah enggau Kapit diripot ampuh bah.
Ku Ismail, dibanding enggau kemari bisi empat klinik Pengerai mengkang ampuh bah lalu semina Klinik Pengerai Ulu Sambop ke bedau beoperasi kenyau 21 Disember.
Berebak enggau nya, Opis Meteorologi Malaysia ngeluarka jaku tangkan kabut enggau ujan deka nyadi ba kandang ai Sarawak ke mungkur Kuching, Rejang enggau Mukah sehari tu. — DayakDaily
