KUCHING, Feb 27: Ketuai Pemesai Eksekutif Raban Air Asia, Tan Sri Tony Fernandes madahka sida udah berandau enggau Sekretari Perintah Negeri Sarawak, Tan Sri Mohd Morshidi Ghani bekaul enggau langgur penemu deka ngaga sebuah palan penyangkai bilun tambang murah LCCT) di Kuching.
“Kami udah bisi langkar padang bilun nya sereta enggau silik udah madahka kami deka terebai lalu pemisi hub tu mantu kami ngurangka rega tambang.
“Diatu kami semina nganti ‘lampu gadung’ tang udah sedia bisi kaul ba padang bilun tambang murah nya, ” ku iya.
Sarawak ku iya, siti palan ke strategik laban ulih nyadi hub palan penyinggah temuai ari Australia ke Dubai, tauka ke China, Korea enggau Jepun.
Pasal tambang mar maya musim pengerami nyengkaum Taun Baru Cina, iya pechaya pekaea nya ulih diputarka.
“Engka kami deka nambah penyampau penerebai ngambika rega ulih dijaga lalu ulih ditangkup penguna, ” ku iya. — DayakDaily
