KUCHING, Jun 27: Ari RM20 juta agih belanja perintah negeri ngagai Unit Jalai Pengarap Bukai (Unifor) 2018, RM15.87 juta agih belanja nya diberi ngagai orang ke minta ke tuju ngaga tauka nyeruri rumah jalai pengarap.
Reti nya agi bisi laluh agih belanja RM4.13 juta ke tau dipinta jalai pengarap bukai nyengkaum Kristian, Hindu enggau ke bukai ari Unifor.
Sapit Kepala Menteri Datuk Amar Douglas Uggah Embas ke mangku tanggungpengawa ba Unifor, nyuaka chek RM500,000 ngagai Diocese Of Kuching dikena ngaga St Thomas House of Epiphany.
Iya mega nyuaka chek RM200,000 ngagai Serakup Sikh Sarawak dikena ngaga palan krematorium.
Unifor ditumbuhka kena 27 April 2017 ari baruh Opis Kepala Menteri sereta ngembuan 17 staf.
Kepala Menteri Datuk Patinggi Abang Johari Tun Openg madah deka ngungkupka belanja ngagai Unifor dlke sepenyampau RM15 juta ba taun 2017 ke tuju dikena ngaga sereta nyeruri jalai pengarap bukai.
Uggah mega madah, kabinet negeri udah setuju numbuhka Unit Amanah Kebajikan Jalai Pengarap bukai di Sarawak bulan Mac tu tafi ke ari baruh kemata Unifor.
Ku iya baru, kabinet negeri bela ngemendarka tanah tiga ekar alai ngaga kompleks Unifor di Jalan Ong Tiang Swee. — DayakDaily
