KUCHING, Mei 27: Menteri Dagang Temuai, Daya Pengidup, Main Asal, Nembiak Lumba enggau Main Sarawak, Datuk Abdul Karim Rahman Hamzah nyambut manah penemu ti dibantaika Menteri Komunikasi enggau Multimedia Perintah Besai, Gobind Singh Deo ti madahka nadai tatak ba bungkur media perintah nyengkaum Radio Televisyen Malaysia (RTM) ungkup pengerami rasmi ke diatur Perintah Negeri Sarawak.
Iya berasai lantang amat ati enggau timbal lengkas Gobind nengah twitter iya lalu nulis ngagai menter nya baka ke dipintai tersebut, ku iya
Abdul Karim mantaika pekara nya oengudah Opis Pemadah Malaysia enggau RTM enda agi ngaga bungkurpengerami rasmi negeri, kelimpah pengerami ke digulu Yang di-Pertua Negeri, Tun Pehin Sri Abdul Taib Mahmud.
Nya nyadi pengudah Pakatan Harapan nirika perintah kena Mei 9.
Abdul Karim pechaya,atur nya dipejalaika pemesai kanan ti ngiring opis menteri nya ti berumban ngeluarka surat tesau.
“Aku enda nemu sekalika Perintah Besai suba bisi ngaga baka nya ngagai negeri ke dikuasai penyakal. Perintah Negeri Sarawak ku iya, enda patt diukum semina ketegal ukai sebagi ari Pakatan Harapan. Enti RTM enggau ejensi komunikasi ke bukai milih nyekat bungkur aktiviti enggau program negeri, aku enda ulih nyebut nenama.” — DayakDaily
