Abang Johari nadai bechiping mantu sekula Cina

Datuk Patinggi Abang Johari Tun Openg. — DayakDaily.com file pic

KUCHING, April 4: Kepala Menteri Datuk Patinggi Abang Johari Tun Openg ngamatka semaya iya maya Taun Baru Cina sebedau tu, ngemendarka sebidang tanah di Miri nyadi aset Kaunsil Pengatur Gerempung Sekula Sekondari Cina Peribit Sarawak.

“Sehari itu aku ngamatka semaya lalu perintah negeri ngemendarka sebidang tanah di Miri ngagai lembaga pengurusan,” ku iya ba Pengerami Nyuaka Geran Pelajar Sekolah Sekondari Cina Peribit Sarawak di Sekolah Sekondari Min Lit, Batu Kawa.

Kelimpah ngungkupka tanah nya, Abang Johari mega nyerahka geran RM7 juta ngagai kaunsil pengatur ngambika ngagihka nya ngagai 14 buah sekula sekondari Cina peribit di serata negeri.

Geran nya tampung duit turu ke kala dipejalaika niang Pehin Seri Adenan Satem ke sebedau tu ke alai penyampau nya nambah ninting taun.

Sebedau tu geran nya sepenyampau RM5 juta, nbah ngagai RM6 juta taun siti nyin tadi, lalu diatu RM7 juta sereta deka nambah nyentuk RM10 juta setaun ungkup timpuh lima taun. — DayakDaily