KUCHING: Kepala Menteri, Datuk Patinggi Abang Johari Tun Openg mengkang ngenanka penuduk nyadi Presiden Saberkas Nengeri Sarawak ungkup penggal 2017-2020, lalu Menteri Dagang Temuai, Art, Adat enggau Pesaka Asal, NembiakLumba enggau Main, Datuk Abdul Karim Rahman Hamzah dipilih nyadi sapit presiden.
Sedua menang darat, baka ke dibantaika Chairman Komiti Mit Pengawa Bepilih Mit Aum Tiga Taun Sekali Saberkas Ke-15, Datuk Roland Sagah Wee Inn malam tadi.
Bela menang darat menang empat Mandal Presiden, iya nya Menteri Muda Utiliti, Dr Abdul Rahman Junaidi; Menteri Muda Ba Opis Kepala Menteri (Undang-undang, Kaul Perintah Nengeri-Perintah Besai, Matau Projek), Sharifah Hasidah Sayeed Aman Ghazali; Adun Telang Usan, Dennis Ngau enggau Adun Layar, Gerald Rentap Jabu.
Ba aum nya mega bisi milih 25 iku exco ti dikearapka ulih ngiring Saberkas Nuju Ke Dunya Transformasyen Digital.
Lebuh ke bejaku pengudah menang malam tadi, Abang Johari meri terima kasih ngagai basa diberi, sereta gaga ati enggau raban exco ke udah dipilih
Iya mega madahka ex Sekretari Pengatur Saberkas, Abdullah Saidol dipadu nyadi Sekretri Besi ke baru.
