KUALA LUMPUR, Julai 6: Dua puluh tiga projek ‘sakit’ ke enda ditembu nitihka timpuh ditetap deka nerima nasit ke sebaka enggau Sepital Petra Jaya di Sarawak ke diketu kontrak ngags nya, pia Menteri Pengerai Dr Dzulkefly Ahmad.
Ku iya, atur terit nya meseti dipejalai dikena meri tangkan ngagai kontraktor enggau pemaju projek nya ke dipeda enda bebendar nembuka perengkaguna ke beguna nya.
“Barang bagi projek nya ke balat sakit (kelalu lubah) pengudah diberi empat kali tangkan, deka diambi atur ke sebaka enggau di Petra Jaya.
“Aku empu deka nurun ngabas sereta betemu enggau pemaju…enti agi enda ulih tetembuka nya kami deka nyerahka projek nya ngagai Opis Kereja Raya (JKR),” ku iya madah ngagai pengarang berita pengudah ngulu sebengkah forum bekaul pengerai ke diatur Institut Strategi & Kepimpinan Asia (ASLI) ditu kemari.
Opis Menteri Pengerai sebedau tu diripot madahka deka matau ambis nadai 23 projek ngaga sepital enggau klinik di serata menua ti diklasifikasik ‘sakit’ tauka ‘mirah’ ti laun tembu digaga. — DayakDaily
