Apil pemutus Kunsil Negeri S’wak bekaul mulaika penuduk Dr Ting deka ditemu Julai 13

Gavel. — DayakDaily.com file pic. // Photo: Pixabay

KUCHING, Julai 6: Kort Apil netapka Julai 13 meri pemutus bekaul enggau apil Kunsil Negeri Sarawak ngagai pemutus Kort Tinggi mulaika penuduk Dr Ting Tiong Choon nyadi Kaban Kunsil Negeri (ADUN) Pujut.

Luyar Wong King Wei ti ngarika Dr Ting madahka notis sentang pekara nya udah dianjung Penulung Kanan Pengerejister Kort Apil Malaysia ngena faks ngagai firma luya iya kemari.

Kena Mei 12 taun nyin tadi, Dewan Kunsil Negeri Sarawak udah ngaga pemutus nengah undi majoriti nulak pematut Dr Ting nyadi ADUN Pujut laban iya megai dua peranak.menua iya nya Australia enggau Malaysia.

Pemutus nya diabil pengudah 70 iku ADUN ngundi nyukung langgur menteri ti dikenataika Menteri Dagang Entarabansa enggau E-Dagang Datuk Seri Wong Soon Koh maya DUN Sarawak taun nyin tadi. Sepuluh ADUN ngundi ngelaban.

Dr Ting mbulih baru penuduk nyadi ADUN Pujut nengah pemutus Kort Tinggi Kuching kena Jun 17 taun nyin tadi. Kort nya mega netapka nadai pemuang ba kerusi sitak nya. — DayakDaily