17,539 staf KEMAS meruan mangku pengawa sida

Play. — DayakDaily.com file pic. // Photo: Pixabay

BANTING, Jun 8: Pangku pengawa 17,539 staf Opis Pemansang Komuniti (KEMAS) ti status kontrak enggau tetap ari bemacham pangkat sereta gred agi meruan, pia ku Menteri Pemansang Menua Pesisir Rina Mohd Harun.

Iya madahka tetiap staf dipinta bejalaika tanggungpengawa sida empu kelebih agi bala pengajar patut fokus ngagai pengawa sida ngajar.

“Semua staf KEMAS ti diambi nengah SPA (Suruhanjaya Perkhidmatan Awam) tang kami nemu urung 600 iku sida aktif dalam pengawa politik ke sekeda parti,” ku iya sepengudah ngabas ngagai Palan Nyeridi Nembiak Mit (Tabika) KEMAS Kampung Olak Lempit ditu, sehari tu.

“Nyema sida agi aktif ngaul diri dalam politik, sida deka diberi pilih sekalika deka mendam nyadi pengajar tauka ngelengkaka tanggungpengawa nya,” ku iya.

Rina madah, pengawa iya betemu enggau staf KEMAS deka digaga pengudah Hari Raya Aidilfitri, ke mega dikena iya nerangka pekara nya. — DayakDaily