KUCHING, Dis 9: Bisi 1,145 buah sekula di negeri tu udah nerima mayuh bengkah kereban utai bacha nengah inisiatif Program Sekula Iru ‘iM Sarawak’ kenyau ari taun 2014.
Chairman Kaunsil Penyanding Penemu 1Malaysia Sarawak Datuk Joseph Salang madah, inisiatif dikemansang ari baruh kluster “Pemansang Rama’ ti betuaika Kaunsil Penyanding Penemu 1Malaysia, dikena nerenak ulah rindu macha ba raban nembiak di negeri tu.
“Kitai ba iM Sarawak pechaya pelajar ke pemadu manah ulih nentuka kualiti pengidup sesiku sereta ngangkatka pengidup sida.
“Nya kebuah, iM Sarawak ngaga mayuh bengkah inisiatif pelajar dikena mantu sekula di menua pesisir enggau ulu,” ku iya kemari.
Inisiatif keterubah dipejalaika di negeri tu iya nya Program Sekula Iru iM Sarawak, iya nya projek pengelala Program iM Sarawak ba taun 2014, ke diatue begulai enggau Opis Pelajar Sarawak. — DayakDaily
