KUCHING, Nov 25: Sapit Kepala Menteri Datuk Amar Douglas Uggah Embas madahka diri berasai temegah ati enggau Balai Dagang enggau Industri Dayak (DCCI) laban mujur ngaga siti website endang ke tuju dikena ngelakuka homestay Dayak.
Website ti dikelala enggau nama DCCI Homestay Dayak digaga nengah kerejasama Unit Peneraju Agenda Bumiputera (TERAJU) enggau Institut Keusahawanan Negara (INSKEN).
Ku Uggah, website nya nyaup ngelakuka industri homestay kelebih agi di menua.pesisir enggau rumah panjai ke serata dunya.
Uggah ngarapka tetiap iku pengemeran homestay ulih ngaga pansik dikena nentuka industri nya majak ngerembai sereta dikemegahka nengeri Sarawak.
“Kitai dekaka (homestay) nyadi industri ke besai guna di Sarawak jemah ila,” ku iya. — DayakDaily
