Wan Junaidi enda bechiping ngaga palan sembiang ke bansa bukai

Datuk Seri Wan Junaidi Tuanku Jaafar

LUNDU, Dis 19: Menteri Pengeraja Asal enggau Rampa Menua Datuk Seri Wan Junaidi madah, nyadi orang politik iya deka mantu raban bansa ngaga rumah sembiang sebaka enggau ke mantu ngaga masjid.

Iya bejaku munyi nya lebuh ke ngulu pengerami merekat Dewan Parish St Francis, ditu kemari.

Ba pengerami nya mega iya ngungkupka belanja RM200,000 dikena mantu sebagi ari ungkus ngaga dewan nya ke berega RM800,000.

Wan Junaidi mwga bedanji mantu ngulihka belanja tambah dikena nampung pengawa ngaga dewan nya.

Dewan Parish St Francis berengkah digaga ba bulan November taun 2016 lalu tembu digaga tengah bulan Disember 2017.


Dewan tau diguna raban bansa ari luar endur ngaga sebarang aktiviti ti meri pemaik, kelimpah dikena raban Kristian Parish St Francis, Lundu. — DayakDaily