USM ba penuduk ke-14 universiti pemadu nyulut di dunya

Lecture. — DayakDaily.com file pic. // Photo: Pixabay

GEORGE TOWN, Jun 23: Universiti Sains Malaysia (USM) ba penuduk ke-14 dalam rintai 50 universiti baru ke pemadu nyulut di dunya 2018, nitihka Quacquarelli Symonds (QS).

USM sebedau tu udah dalam 23 universiti ti pemadu nyulut di dunya nengah kategori universiti baru baruh 50 taun iya nya ‘QS Top 50 under 50’ ti keterubah bisi dalam lis ba taun 2016 lalu mega entara Universiti Awam (UA) ti nyulut ari empat UA Malaysia dalam lis ke pemadu baru 2019.

Mandal Canselor USM Prof Datuk Dr Asma Ismail madahka penyulut tu iya nya asil ke seruran ngangkatmanah ba polisi universiti, seriris enggau pengingin ti dekaka USM nyadi universiti ti mengkang dipilih.

Asma madahka penyulut tu mandangka ‘tikas pemadu manah universiti’.

“Kami semina tinggal berapa singkang agi deka nyapai tikas 10 universiti baru ti pemadu nyulut di dunya, lalu aku pechaya tu mega ikas ti pemadu besai. Kami nemu bisi mayuh pekara ke deka ditapi lalu tikas penyulut tu udah ngayanka Malaysia ngembuan palan pelajar tinggi renggat dunya,” ku iya madah kemari. — DayakDaily