KUCHING, Jan 3: Penyanding Penemu UPP Dr Chou Chii Ming meri langgur penemu ngambika UPP enggau SUPP bekusi kuasa sereta nyukung pangan diri ke pemaik Barisan Nasional (BN) laban beratika pengawa bepilih besai majak semak
“Tanya ti enda ulih diseliahka iya kati ku UPP enggau SUPP ngeletakka chalun sida ba tujuh sitak parlimen ba pengawa bepilih besai ke deka datai,”
“Ba penemu aku, chara mutar pemadu manah iya nya bekunsi kuasa politik sereta nyukung pangan diri nengah penyampau UPP diberi tiga kerusi lalu SUPP bulih empat kerusi,”
Ku Chou, langgur penemu nya bepelasarka sukung diatu ke alai UPP bisi chalun ti ngasaika diri ulih menang ba tiga tauka empat kerusi lalu iya pechaya BN ulih ngerampas pulai mayuh agi kerusi parlimen ke udah alah suba enti langgur penemu nya ditithka.
“Diperatika UPP enggau SUPP ulih ngerampas baru enam kerusi ke udah diambi penyakal ba pengawa bepilih besai taun 2013,” ku iya
Iya mega madahka UPP bisi sukung ke chukup manah ari renggat nembiak redak, tambah agi kaban baru parti nya tebal ari rebak biak.
“Pegandal enggau penaluk sida ngagai UPP sigi tegap” ku iya. — DayakDaily
