UPP-SUPP berandauka pekara ngempung kededua positif parti

Dato Sri Wong Soon Koh

KUCHING, Mac 6: Ketuai tetinggi Parti Rakyat Bersatu (UPP) agi berandauka pekara positif enggau Parti Rakyat Bersatu (SUPP).

Presiden UPP Dato Sri Wong Soon Koh pekara nya pengudah nutup lalu nyuaka perais ngagai pemenang ‘Pusingan Kelayakan Malaysia Timur Kejohanan Catur Inggeris Antarabansa Lions Malaysia’ Keterubah Ungkuo Irang Nyelai Pendiau ba palan bebeli barang Vivacity Megamall.

Wong ke mega Menteri Dagang Antarabansa enggau e-Dagang madahka nadai timpuh ke penudi ditetapkan ngagai kedua-dua raban berandauka pekara begempung nya.

Ku Wong, tebal agi kaban UPP udah ditingkil ari nyadi kaban SUPP suba, nya kebuah UPP deka mutarka pekara ngerejista baru kaban parti nya ke tuju begempung baru.

Ku Wong, iya ngelempai ba Kepala Menteri Datuk Patinggi Abang Johari Tun Openg ti udah suah minta kedua-dua parti ti majoriti Cina nya begempung dikena nentuka Barisan Nasional Sarawak kering nyerumba Pengawa Bepilih Besai Ke-14 (PRU14) ke deka datai. — DayakDaily