Najib betundi nanya pengemeran media kemaya PRU14

Datuk Seri Najib Tun Razak

KUALA LUMPUR, Mac 6: Bedau sempat pengemeran media nanya sentang kemaya haribulan pengawa bepilih besai, Menteri Besai Datuk Seri Najib Tun Razak betundi lalu nujuka tanya nya ngagai sida dulu.

Tundi nya nyadi pengudah Yang Di-Pertuan Agong Sultan Muhammad V bejadi Aum Keterubah Penggal Keenam, Parlimen ke-13.

Lebuh Najib berjalai pansut ari Dewan Bankuet, Bangunan Parlimen disempulang bini iya Datin Seri Rosmah Mansor betanya ngagai pengemeran media: “Bila ‘election’?”

Najib nanya ngenyit munyi nya pengudah iya meda seraban pengemeran media ti nguji nanya iya sebedau iya bekejang arj nya.

Tanya ngenyit nya disambut enggau ketawa bala pengemeran media.


Sesi Parlimen sekali tu deka baum akan pengelama 20 hari lalu deka nyadi ti ke penudi sebedau pengawa bepilih besai ke-14 (PRU14) diatur. — DayakDaily