KUCHING, Jun 17: Sekretari Besai Parti Rakyat Sarawak (UPP), George Lo kemari madah ngagai media, UPP empai dikangau nyerereta gempung baru pengudah empat parti komponen BN Sarawak nya ngagai oemutus pansut ari BN Pusat empai lama udah.
“Kami empai nerima sebarang kangau ari GPS lalu ukai maya ke patut diatu kami madahka diri deka nyeretai GPS laban kami deka nemu silik agi sentang struktur gempung nya,” ku Lo kemari.
Lo bejaku munyi nya ngagai pemberita lebuh ke ngabang Aidilfitri ngagsi Kepala Menteri Datuk Patinggi Abang Johari Tun Openg di BCCK ditu, kemari.
Ku iya, nyema bisi dikangau sebedau Julai 7 isu nya deka dikerandau bala pengari.
UPP deka ngatur Aum Tiga Taun sekali kena Julai 7 tu.
Iya ngakun sigi nyelai enti adalah GPS enda ngagauka UPP nyeretai gempung nya laban parti nya bebakih enggau BN sebedau tu.
“Taja pia UPP nyukung perintah diiring Datuk Abang Johari enda ngira rasmi dalam gempung tauka bebakih enggau GPS,” ku iya. — DayakDaily
