UNIMAS universiti keterubah di Malaysia ngena pengelala digital

A Quick Response (QR) code on a smartphone. — DayakDaily.com

KUCHING, Okt 19: Universiti Malaysia Sarawak (UNIMAS) nyadi universiti keterubah ngena pengelala digital di menua tu.

Menteri Pelajar Tinggi, Datuk Seri Idris Jusoh madah, pengelala digital nya ngunaka kod QR ke alai sida universiti ngambi timpuh nyendiaka nya.

“Ngena chara tu, nembiak UNIMAS tau enda agi mai kad pengelala nembiak sida.

“Sida tau nguna kod QR (Quick Response) ke bisi dalam telefon pintar dikena mutarka pekara pelajar, akses perengka guna universiti baka librari,meli barang enggau mayuh macham agi,” ku iya.

Iya madah munyi nya ba aum media pengudah bejadika Aum Jubli Perak Unimas 2017 ditu kemari.


Bela bisi datai Ketuai Pengarah Pelajar Tinggi, Datin Paduka Ir Dr Siti Hamisah Tapsir; Mandal Canselor UNIMAS, Prof Datuk Dr Mohamad Kadim Suaidi enggau Chairman Lembaga Pengarah, Datuk Dr Hatta Solhi.

Ku iya, bulan baru, pengelala digital nya mega deka dikena ba Universiti Malaysia Perlis (UNIMAP) lalu Universiti Teknologi Malaysia (UTM) ba bulan Disember ila. — DayakDaily