Judy Fang penyual sayur keterubah nguna sistem ‘cashless’

Digital devices and data. — DayakDaily.com file pic. // Photo: Pixabay

SIBU, Oct 19: Penyual sayur, Judy Fang, nyadi pedaja mit keterubah di menua tu nguna sistem bebayar enda ngena mata duit (cashless) ba palan iya ke bejual.

Baka pendaja bukai, Fang, 55, sebedau tu ngereja dagang iya nguna ini duit keretas enggau syiling.

Taja pia, semua berubah pengudah iya ngulu licha e-dagang ke diatur sebuah kompeni kena 17 September tu tadi.

Licha nya dipejalaika Ketuai Pemesai Eksekutif Toga Capital Sdn Bhd, Michael Toh ti meransang orang dagang ngemeranka dagang nengah chara eletronik.

“Aku berasai nyamai ngena platform tu ba pengawa dagang laban aku tau enda ibuh nyendiaka laluh duit ke orang ti meli.


“Agi pan semua orang diatu bisi telefon pintar, nyadi nya mega chara pintar dikena bedagang,” ku Fang.

Ku iya baru, sistem mudah amat laban enti orang ke meli nya tetinggal kerepai duit, sida agi ulih meli.

Fang semina mandangka kod T-pocket ke bisi chelak ba palan iya ke bejual.

“Enti mayar, sida semina ngerimbaska telefon ba kod nya lalu mayar ngagai akaun T-pocket aku ,” ku iya.

Taja pia, agi bisi mega orang mayar ngena mata duit, lalu iya pechaya mensia mayuh ulih nerima sistem tu jemah ila enti perintah amat ngemeratka e-dagang.

Fang mega ngarapka dagang iya majak maju lalu nyadika peransang ngagai pedaja bukai ngambi ngemeranka chara ke sama.