Unimas nempa rikod dirintai dalam The Hire Education

Unimas logo

KUCHING, 27 Okt: Universiti Malaysia Sarawak (Unimas) berasai temegah ati laban keterubah endar diletakka ba penuduk ke-1,001 ari 1,500 buah universiti dalam The Hire Education (THE).

Mandal Canselor Unimas, Prof Datuk Dr Mohamad Kadim Suaidi, madah pemujur nya balat ngemegahka laban laban ngeletakka institusyen nyadi sebuah universiti ari Borneo ti dirintai dalam THE.

“Tu ngeletakka Unimas nyadi universiti lumur satu di Pulai Borneo lalu ke-10 ari 50 universiti di Malaysia ti dirintai dalam THE,” ku iya.

Ku iya, pemujur nya dijapai nengah inisiatif pengawa ti dipejalaika universiti nya ba renggat global sekalika dalam pansik, kerejasama enggau pekara bukai.

“Kami temegah ati enggau pemujur nya ke lalu ngangkatka nama UNIMAS nyadi sebuah universiti ti tebilang di Malaysia.”


THE, ke bepangkalan di London, netapka penuduk universiti ti tebilang didunya ti ngerintaika 1,500 universiti ari 60,000 buah universiti di serata dunya.

Kelimpah ari nya ku Mohamad Kadim, Unimas bisi nerima siti agi berita manah lebuh diletakka QS Universiti Ranking Asia ti bepangkalan di Singapura ba penuduk ke-236 universiti ke pemadu manah di Asia.

Tu mandangka pemansang UNIMAS niki 11 gigi tangga ari penuduk ke-247 taun siti nyin tadi ari 11,900 buah universiti di Asia, ku iya. — DayakDaily