SIBU, Jun 23: Sarawak deka neritka undang-undang nyaga sereta ngemata aktiviti-aktiviti minyak enggau gis di negeri tu berengkah Julai 1 tu.
Kepala Menteri Datuk Patinggi Abang Johari Tun Openg madahka nya berindik ari pemutus Kort Federal kemari ti enda ngemendarka Petronas neruska prosiding ngagai perintah negeri bekaul hak nyaga sereta ngemata aktiviti pemungkal minyak enggau gis di negeri tu.
Atur nya ku iya nitihka undang-undang ke ditulis dalam Konstitusyen Perintah Besaike patut dititihka semua.
“Reti nya sebagi ari kuasa di baruh Ordinan Perlombongan Minyak (OMO) 1958 deka dipejalaika Petros (Petroleum Sarawak Berhad),”ku iya.
Iya dipinta mantaika penemu sentwng pemutus Kort Federal nya ba pengerami dipinta ‘Ramah Ramah Aidilfitri’ Kunsil Negeri Nangka di Dewan MUC ditu. — DayakDaily
