Komiti Negapka Pelajar TVET deka ditumbuh

Classroom. — DayakDaily.com file pic. // Photo: Pixabay

PUTRAJAYA, Jun 23: Komiti Negapka Pelajar Teknikal enggau Latih Vokasional (TVET) ditumbuh dikena negap sereta ngangkatmanah tikas TVET, pia ku Menteri Pelajar Dr Maszlee Malik kemari.

Iya mega madahka komiti nya bekuasa nyediaka ripot dikena negapka TVET nya ti bechairmanka Kaban Parlimen Permatang Pauh, Nurul Izzah Anwar.

“Nurul Izzah siku orang ti udu ngemeratka pelajar TVET sereta udah berandau enggau aku bakani chara TVET ulih nulung raban biak ngerebut peluang kereja sereta mega dagang,” ku iya dalam aum media di opis menteri nya ditu kemari.

Nurul Izzah madah, iya dekaka pemegai setipikit TVET berasai temegah enggau oengelandik sida ti semampai diguna taja pan dunya berubah lalu enda agi dipeda nyadi orang ke landik kelas kedua.

“Orang ke bisi pengelandik nyeruri rumah, kontraktor enggau miki airkon semina deka diguna lima taun ari diatu. Nya alai TVET sebengkah pengelandik ti semapai diguna belama,” ku iya. — DayakDaily