KUALA LUMPUR, Jun 13: UMNO deka terus nempa kaul rat enggau empat parti politik Sarawak ti madahka diri ninggalka Barisan Nasional (BN) sereta numbuhka Gabungan Parti Sarawak (GPS).
Ketuai Pemadah UMNO, Tan Sri Annuar Musa madahka dikena negika peneka enggau nasib peranak Sarawak, UMNO besedia ngaga kerejasama enggau ketuai GPS baka kekala nyadi sebedau tu.
“Sdak ukai begempung enggau Pakatan Harapan tang numbuhka gempung kediri ti ulih ngaul perintah besai.
“Gempung nya mega dipeda nguji nyaga pekara ti dikemerat Sarawak,” ku iya kemari.
Ku iya baru, pemutus ketuai keempat-empat parti nya ti nyadi tulang belakang ngagai gempung nya nyentukka BN Sarawak dipadam sigi udah dijangka lalu UMNO meseti bebasaka pemutus sida ti udah begempung enggau BN ngelama tu. — DayakDaily
